القاضي قال مفيش دليل - تعليقا على الحكم الصادر على المخلوع ( مبارك )

تعليقا على الحكم الصادر على المخلوع ( مبارك ) واعوانه

كلمات | دعاء عبد الوهاب
مفيش دليل ؟؟؟؟؟


أنا الدليل ..
أنا الدم اللى سال ع الأرض
ما استكفِـت ..
أنا العين اللى صابها الغدر
و اتصفِّـت ..
أنا الأم اللى حرقوا فؤادها ع الغالى
و لبست شال محنِّى بدمه و اتدفِّـت ..

أنا الدليل ..
أنا المخنوق ب سم الغاز على الكوبرى ..
أنا المضروب ب مِية خرطوش على ضهرى ..
أنا اللى العمر راح محنة ورا محنة ..
و قلت شاريكى ولا مرة نفَد صبرى ..

أنا المجنى عليه و اليوم بقيت جانى ..
واللى قتلنى برئ و عيونه ناكرانى ..
خرجوا الديابة من القفص أحرااااار ...
و انا اللى لسه سجين محبوس ف أكفانى ..

يا نكسة كانت ف التاريخ و اليوم بقِت وكسة ..
يا قلوب و متلونة بالغدر و الخِســة ..
لو كنتوا فاكرين حلمنا ممكن يموت ..
متفرحووووووووووش ..

نـــار القصاص و الدم هيتشتعل لســه

بقلم عرب مصراوى

للدخول الى الموقع مرة اخرى اكتب فى بحث جوجل (عرب مصراوى)

هل اعجبك هذا الموضوع ؟	إشترك عبر خدمة RSS تابعني عبر الفيس بوك تابعني على تويتر اشترك عبر البريد الالكتروني